القمر الساهر
عايزين نعمل حملة قوية جداا ضد الجمهور البشع بتاع شيرين عبد الوهاب اللي بيتأمر مع الجمهور الأبشع بتاع عمرو دياب ضد جمهور التيمورية تامر حسني


لامتى هانفضل ساكتين ..لحد كدا وكفايا


ناس ما بتصنش العيش والملح غيرانين من نجاحه هي شيرين نسيت تامر وقف جمبها قد ايه


تامر مش بنى أدم ( حقى أقول كده )تامر مستحيل يكون أنسان عادى ( حقى أقول كده )تامر أذكى مطرب فى العالم ( حقى أقول كده )تامر أسطورة لم تتكرر ( حقى أقول كده )



♥.•*´¨`*•(`'·.¸*¤*¸.·'´)•*´¨`*•.♥





مين معايا ..مين هياخد حق تامر من شيرين

احنا التيمورية هناخد حقه من جمهور شيرين شر شر

هناقطع كل ألبومات شيرين ..علشان نعرفها ان التيمورية مش سهلين

♥.•*´¨`*•(`'·.¸*¤*¸.·'´)•*´¨`*•.♥

لحظي السيئ من كام يوم دخلت جروب التيمورية على الفيس بوك وشوفت الحرب المعلنه ..فضلت اكتر من ساعة مش مستوعبة ولا مصدقة الكلام اللي بشوفه



اوعى يكون حد فيكم صدق ان الكلام اللي فوق دة وجه نظري ..


وجهة نظر ايه .؟؟ دي مستحيل تكون وجهة نظر دي مهزلة


دي وصلت ان تلاقي اتنين اصحاب خسروا بعض ووقفوا في صفوف الاعداء
والحرب ضد بعض لمجرد ان دة بيحب تامر ودة بيحب شيرين

وحرب بكل الاشكال لدرجة انها دخلت حرب في الأعراض وختش الحياء كل دة ليه


انا نفسي حد يقولي الشباب دي بتفكر ازاي ؟؟



هايكسبوا ايه من دة ؟



شايفين مستقبلهم فين ؟



فين هموم الفقراء واليتامى والغلابة والمطحونين فين هموم المظلومين المقهورين



فين هموم المسلمين ..فين هموم عراق وفلسطين



فين هموم العربين كل القضايا دي وهمومنا شايلنها وساكتين !!



..علشان نسيب كل دة ونروح نشيل قضية التيمورين



انا كل اللى اقدر اقوله انهم شباب مش وراهم قضية ولا عندهم هدف في الدنيا


ضايعين تايهين جواهم فراغ كبير مش لاقيين نفسهم ..
تفتكروا لو وجهنا للشباب دي رساله هايفهمومها ولا هايعلنوا علينا الحرب وان احنا جواسيس اعداء لمحريرين مصر شيرين وتامر وعمرو دياب
مين اصلا تامر وشيرين علشان نتحد ضدهم ونسينا نتحد ونحد ايدنا في ايد بعض علشان نرفع راس المسلمين
وندافع عن اسلامنا ,,وعن بلادنا
مين تامر وشيرين علشان يبقوا قضيتنا ,, ونسينا قضايانا الحقيقية
على راي محمد صبحي
((صفيحة زبالة قرفانة ن الدبان))
حسبي الله ونعم الوكيل

التسميات: edit post
14 Responses
  1. سقراط Says:

    على فكرة الموضوع اتفه من كده بكتيير قوي
    يعني التيمورية والشيرينيه دول انا متأكد انهم ما يملوش ميكروباصيين
    كل الحكاية ان الموضوع منفوخ فيه
    وزيه زى كل الحجات اللى بتتنفخ هوا
    بتفرقع بسرعة
    وكل اللى حصل انك سمعتي صوت الفرقعة دي
    ماتاخديش فى بالك
    دول شوية عيال بيلعبوا ببلالين
    دمتي بكل ود


  2. تفتكر كدا؟؟

    دة جروب واحد في الفيس بوك فيه اكتر من 60 الف بيشتموا وعاملين حرب

    دة غير الجروبز التانية والمنتديات

    بس فعلا حاجة تضايق اصل التفاهة بجد اوقات لما بتزيد عن حدها بتصيبك بغيبوبة

    نورتني سقراط


  3. Ahmed Says:

    ههههههههه
    صفيحة زباله قرفانه من الدبان
    لأ جامده

    انا سمعت الموضوع ده ومصدقتوش

    سمعت ان فيه ناس بتعمل الجروبس ديه

    بس مش مصدق ان الفراغ والهيافه وصلت للدرجه ديه

    الناس ديه مش فاضيه بس
    دول كده عدوا الحدود ومش راجعين تاني


  4. السلام عليكم

    على فكره انا اتخضيت قولت ايه اللى جرالك والموضوع الغريب اللى انتى عملاه ده افتكرت فى الأول ان دى وجهة نظرك

    طبعا كنت هخرج بس قولت اكمل اكيد فى حاجه غلط مش دى دماغها اللى اعرفها خالص واللى حسبته لقيته والحمد لله
    نيجى للموضوع بقا

    الموضوع عباره عن فرقعه اعلاميه بين الإتنين وشوفى انتى مين المستفيد من الموضوع التافه ده غيرهم الإتنين وكام واحد هيعند ويحضر حفلات الصيف لنجمه المفضل طبعا مش حب فيه انما عند فى شرى وكذلك جمهورها كمان هيحضر علشان يعند مع جمهور تامر
    حاجه كده تافهه ومش ومستاهله نتكلم فيها
    دول مش حاسين بالعيشه واللى عيشينها ولا الدوله ومشاكلها ولا رغيف العيش ولا البطاله ولا كل الحاجات دى
    دول مجرد شويه وشم ممكن بشويه ميه يروح من على الجسم وبجد الموضوع عصبنى ومزعلنى ان في شباب كده وفى مصر شباب متأمرك على اوربى وده مش طبع المصريين
    طبعنا هو المسلم الشرقى المتحضر

    ارجو انك تكونى فهمتى قصدى



    كل تحياتى واسف لسوء الظن بيكى فى بداية الموضوع


  5. أحمد ابو العلا

    والله هم يضحك وهم يبكي .. :D


    انا كل اللى مأثر فيا بجد الدين ..

    الواحد صعبان عليه بجد اللي هما فيه

    يلا ربنا الشافي

    نورتنيييي


  6. ابن مصر

    انت عارف انا مش كتبت التوبيك دة علشان اتكلم عنهم ولا على قصة تامر وشرين ولا يهموني في حاجة أصلا ..لكم دينكم ولي دين وربنا يهدي

    انا بتكلم ايه اللي يوصل الناس لمرحلة من السطحية والتفاهة للدرجادي وغير السطحية كمان الموضوع بجد وصل ان بقى في كره حقيقي بين المصريين مشجعين تامر ومشجعين شيرين يعني مش كفايا التفاهة كمان نسيوا كل قيم الدين والاخلاق ..انا قريت كلام فوق ما ممكن تتخيل قايلينه لبعض بجد حسسوني اننا مجتمع شواذ استغفر الله العظيم ودة اللى قهرني وزعلني كنت عايزة اصرخ فى وشهم فوقووووووا او اسكتوا وارحمونا بلدنا مش ناقصة هم ناس مش شايلين اصلا هم نفسهم

    وفعلا عددهم مش قليل دول كتير جدااا

    لما يكون فوق ال 60 الف ومن الشباب بس وفي مكان واحد بس

    لينا حق نخاف ونزعل لان دول هما الجيل اللي المفروض هايطلع جيل تاني ويربيه ويعلمه

    هايعلموهم ايه ولا يربوهم ايه وهما محتاجين اصلا يتعلموا من او ل وجديد

    الله المستعان

    ومسمحااااااك طبعا والحمد الله انك كملت التوبيك للنهاية

    بجد نورتني


  7. الاول ازيك
    وكل سنه وانت طيبه
    بجد بجد شباب عنده فراغ وماعندوش قدوه علشان يتمسك بيها
    عايزه اعرف كام واحد منهم عمل اي حاجه في موضوع الاسائه لرسولنا الكريم
    ربنا يهديهم ويفوقوا ويخفوا من مرضهم ده


  8. شمس النهار

    ازيك يا قمر انتي الحمد الله انا بخير

    وانتي طيييييبة يااارب والى الله اقرب

    والله الواحد قلبه بجد بيوجعه ما الشباب دول شبابنا احنا برده والواحد متحسر عليهم تصدقي انا عايزة اعمل حملة بقى زيهم ما فيش حد احسن من حد بس هاعم ل حملة ضدهم هما واحاول اعرفهم غلطهم وان الدنيا مش تافهة كدا

    الله المستعان

    نورتي يا قمراية


  9. ((صفيحة زبالة قرفانة ن الدبان))

    ههههه عجبنى التشبيه ده لكن هنقول ايه ربنا يهديهم ياااااااارب ويبطلوا تفاهات بقى


  10. مساء الخير

    شيرين بتقول لتامر

    أنساك يا سلام

    أنساك ده كلام


    وانا بقولك يا قمرايه

    ده كلام

    بص يا ستى

    النجاح الأبقى لصاحب الذوق فى اختيار كلماته واحساسه

    انما انا مش معاكى فى انتصار تامر على شيرين

    أبدااااا ( من حقى أقول كده )

    شيرين انسانه ذوقها عالى قوى فى اختيار كلمات أغانيها

    انما تامر ؟؟؟؟؟

    انا بصراحه مش حابه أتناقش فى الموضوع ده

    بس كل سنة وانتى طيبه وقمر

    بس قمر مصحصح كده وساهر

    اوعى تنعسى

    تحياتى لكى

    سهر عافيه


  11. ايوشة يا قمر عندك حق ربنا يهديييي احسن كدا هاتجنن

    نورتي يا قمر


  12. سهورة

    كل سنة وانتي طيبة

    على فكرة انتي مش كملتي قراية التوبيك للاخر

    انا مش بتكلم عن شيرين ولا تامر ولا اللى اتنين يفرقوا معايا اصلا

    كملي قراية التوبيك وانتي تفهمي قصدي

    نورتي


  13. السلام عليكم

    كل عام وانتى الى الله طائعه والى النبى تابعه والى الأمه نافعه
    كل عام وانتى بكل خير


    رمضان كريم


  14. thunder Says:

    كل سنة وانتى طيبة يااااااااارب ورمضان كريم وسعيد عليكى ان شاءالله
    معاكى بجد فى كلامك
    انها مهزله بكل مافى الكلمة من معنى
    مهزلة فى الاخلاق والتفكير وانحدار فى كل حاجة
    لما يكون دا على الاقل تفيكر كتير اووووى
    من الشباب
    وكل واحد فيهم سانن سلاحة وكلمة وحزب التيمورية وحزب الوهابية والديابية
    كانهم احزاب سياسية
    بتناقش اوضاع بقت مستحيل نعيش فيها و دول لسة غرقنين فى انهما يرموا دبدوب فى حضن تامر واللى يغمى عليه لما يلمس ايد عمرو
    واللى لو شيرين بصت بس ليه يقع على اصحابة بجد وربنا معارف دا سورى فى التعبير تخلف ولا اصلا الناس دى مش عايشة زينا فى اوضاعنا
    دمتِ بكل حب و ود وفى رعاية وحفظ الله دائماااااا